Category: ESPAÑOL 10

Ճամբարի ընթացքում մեզ հյուր էին եկել մեր դպրոցի նախկին սովորողները, ովքեր ժամանակին եղել են իսպաներեն լեզվի լավագույն սովորողներից։ Քանի որ իմ ջոկատը ուսումնասիրում է իսպանախոս երկրները, հատկապես Իսպանիան, նրանց այցը մեզ համար հատկապես հետաքրքիր և սպասված էր։ Մենք նրանց դիմավորեցինք մեծ սիրով, ջերմությամբ և հետաքրքրվածությամբ։ Հանդիպումը անցավ շատ հաճելի և ջերմ մթնոլորտում։
Մեր հյուրերը հաճույքով կիսվում էին իրենց դպրոցական հիշողություններով, ճամբարային փորձով և անցած ճանապարհով։ Նրանք մեզ պատմեցին իրենց ձեռք բերած հաջողությունների, ուսման ընթացքում հաղթահարած դժվարությունների և օտար լեզվի՝ հատկապես իսպաներենի կարևոր դերի մասին իրենց կյանքում։ Այդ հանդիպումը մեզ համար դարձավ ոչ միայն հետաքրքիր, այլև շատ օգտակար ու ոգեշնչող։
Նրանք յուրաքանչյուրիս խորհուրդ էին տալիս, թե ինչպես ճիշտ ընտրել ապագա ուղին, որտեղ կարելի է շարունակել ուսումը և ինչպիսի քայլեր է անհրաժեշտ անել, որպեսզի հասնենք մեր նպատակներին ու նմանատիպ հաջողությունների։ Հյուրերից մեկը՝ Իլիոնան, դպրոցում սովորելու տարիներին զբաղվում էր փոքրիկ բիզնեսով, որը հետագայում որոշեց զարգացնել և ընդլայնել։ Այսօր նա արդեն ունի զգալի հաջողություններ իր կարիերայում, և ես համոզված եմ, որ նրա առջև դեռ բազմաթիվ ձեռքբերումներ են սպասվում։
Մյուս հյուրը դպրոցն ավարտելուց հետո մեկնել էր արտերկիր՝ ուսումը շարունակելու նպատակով։ Նա մեզ պատմեց, թե ինչպես էր այնտեղ շփվում տարբեր ազգությունների մարդկանց հետ՝ օգտագործելով իսպաներեն լեզուն։ Նա ընդգծեց, որ ցանկացած լեզվի լավագույն զարգացման ճանապարհը շատ խոսելն ու գործնական կիրառումն է։ Այդ խոսքերը մեզ համար դարձան կարևոր դաս և նոր մոտիվացիա։

Այս տարի մեր ջոկատով կազմակերպեցինք շատ սպասված ճամփորդություն դեպի Լեռնանիստ, քանի որ անցած տարի նույնպես պետք է գնայինք, բայց չստացվեց։ Առավոտյան վաղ հավաքվեցինք դպրոցի բակում։ Բոլորս բարձր տրամադրություն ունեինք և անհամբեր սպասում էինք ճանապարհ ընկնելուն։

Երբ հասանք Լեռնանիստ, առաջինը զգացինք մաքուր ու սառը օդը։ Դրանից հետո ծանոթացանք տարածքին և մտանք փոքրիկ տնակ, որտեղ տեղավորվեցինք, տաքացանք և պատրաստեցինք պլեճ, քանի որ բոլորս շատ սոված էինք։ Մի փոքր այնտեղ մնալուց հետո գնացինք սահելու։

Այնտեղ բոլորը իրենց ընկերների հետ էին սահում, և դրա շնորհիվ ավելի արագ ու ֆանտաստիկ հավես էր լինում սահելը։ Ես մի քանի անգամ սահելուց հետո հոգնեցի, քանի որ սիրում եմ ավելի ադրենալին տվող բաներ, բայց դա իմ սիրած չափով ադրենալին չէր բերում։

Վերադարձի ճանապարհին բոլորս լուռ էինք, որովհետև հոգնել էինք, բայց սրտումս շատ տաք զգացում կար։

Մեր աշխատարանի 2-րդ օրը սկսվեց շատ ջերմ և տոնական մթնոլորտում։ Առաջին ժամը նվիրված էր երգին։ Մենք երգում էինք հայկական հարսանեկան երգեր, քանի որ մեր դպրոցի ուսուցիչներից մեկը շուտով պսակադրվելու է, և դա մեր դպրոցի համար մեծ ու կարևոր ծես է։ Նորապսակները ներկայացվելու են որպես Թագավոր և Թագուհի, ինչը ծեսին կտա խորհրդանշական և հեքիաթային շունչ։

Ֆրանցիսկո Ֆրանկո
Ֆրանցիսկո Ֆրանկոն Իսպանիայի ռազմական առաջնորդն էր, ով դարձել է երկրի դիկտատոր 1939 թվականին և ղեկավարել մինչև 1975 թվականը։ Նա իշխանության է եկել Իսպանիայի քաղաքացիական պատերազմի ընթացքում, երբ երկիրը ծանր ժամանակներ էր ապրում։ Ֆրանկոն երկար տարիներ կառավարել է երկիրը առանց թագավորի, սակայն պատրաստել է թագավորության վերադարձը իր մահից հետո։ Նրա տիրապետության տարիներին Իսպանիան շատ փոփոխություններ է ապրել՝ ինչպես քաղաքական, այնպես էլ սոցիալական ոլորտներում։ Հետաքրքիր է, որ Ֆրանկոն միշտ ցուցաբերել է խստություն, բայց փորձում էր պահպանել երկրի կայունությունը։